رپورٹ کے مطابق بیٹا ورژن میں گروپ کی معلومات میں واٹس ایپ نے ‘انوائٹ بذریعہ لنک’ کے نام سے ایک نئے شارٹ کٹ کا اضافہ کیا ہے، جو صرف گروپ ایڈمن کو ہی نظر آئے گا۔

آئی او ایس میں واٹس ایپ ایک ایسے آپشن پر بھی کام کر رہا ہے، جس کے ذریعے صارفین گروپ کال کرسکیں گے۔

دوسری جانب واٹس ایپ گروپ میں ایڈمن سیٹنگز کے نام سے بھی ایک سیکشن کو آزمایا جارہا ہے، جہاں 2 آپشنز ہوں گے: سینڈ مسیجز اور ایڈٹ گروپ انفو۔

بیٹا ورژن میں ‘پکچر اِن پکچر’ نامی فیچر کی آزمائش بھی جاری ہے، جس کے ذریعے صارفین اپنے دوستوں سے ویڈیو چیٹ کرنے کے ساتھ ساتھ کسی اور دوست کو میسج بھی بھیج سکیں گے۔

یہ فیچرز سننے میں تو بہت دلچسپ لگ رہے ہیں، لیکن اب دیکھنا یہ ہے کہ ان میں سے کتنے فیچرز واٹس ایپ کے اَپ ڈیٹڈ ورژن میں دکھائی دیں گے۔